Penantian Yang Butuh Kesabaran

Selalu ada cara Tuhan, untuk pertemukan sa dg ko (honey),
ko yg  sa bangga dari awal, ko yg sa gemar dan ko yg ada di sa pu hati  ini ♡ iya ko.
Ko yang takkan lenyap dari sanubari yg tersembunyi sudah ada didalam sa pu hati dan su tersimpan rapih di lubuk terpencil oh iya hanya ko deng sa saja trada lain.yuhuu.
Sa tra bisa raih ko pu hati dg sa pu tangan, tetapi sa bisa raih ko pu hati dg sa pu cinta ini".
Kalau Tuhan bilang ko dg sa jodoh, ko dg sa tidak akan bisa melanggar Tuhan, itu sudah yang Tuhan Bilang io kam dua sudah.
Tulang rusuk sudah pas, kalo ada yg macam-macam berani pisahkan kam dua, Aku (TUHAN) akan kasih hukum ke orang itu.

Sa mau ko yang selalu ingatkan sa  dan perhatian sama sa, sa butuh ko untuk lengkapi sa pu kelemahan dan sa juga akan lengkapi ko pu kelemahan itu, intinya tong dua satu di dalam Tuhan Yesus.

Ko deng sa tetap ada dan trada orang yang
bisa pisahkan tong dua kelak, karna Tuhan su ikat tong dua jadi satu dan yang sa tau hanya maut saja yg bisa pisahkan tong dua.

Kalo mo jalan dg siapa k, mo buat apa kah!
mo pacaran dg siapa k? Sa tra peduli karna  ko akan ada untuk sa kelak, terpenting " jaga hati,  jaga mata dan jaga tubuh". Intinya ko berdoa,  sa juga berdoa suatu saat ko dg sa akan hidup bersama .